"" هاي القصيدة تسمى معلقة الشعر الشعبي فد شي راقي""

طبعا القصيدة للشاعر الكبير مهدي عبود السوداني...


گتلي من تعطش ترويك الجفوف
وهذا انا العطشان وين اجفوفك ؟
وگتلي من تستاحش ابروحي تطوف
شو عليًّ شحيت حتى اطيوفك
وگتلي لو عينك طفت .. بعيوني شوف
...وشفت كل الناس بس ما شوفك
وگتلي أمن لا يجي ابالك الخوف
وماعرفت الخوف الا بخوفك
وگتلي برموشي جرح گلبك يروف
شو كبر جرحي وزغر معروفك
وانه ادري أرموشك أمضه من السيوف
اشجاب گلبي وطاح بين أسيوفك
أوف من حبك ألف مليون أوف
وآنه مدري اشگاضني وماعوفك