سلام مني للرجال المطاليق

السلام عليكم ورحمة الله وبركاته
اسعد الله اوقاتكم بكل خير وسعادة ..

يسرني ان اضع بين ايديكم هذة الأبيات التي كتبتها واتمنى ان تنال على اعجابكم



سلام مني للرجال المطاليق ** اللي لهم كل المطاليق تشتاق

من قلب ماهمه سوى مفارق الضيق ** دايم على الطولات هايم وخفاق

الكفو يستاهل كفو فيه تفريق ** بينه وبين اللي لعله للإحراق

ماقلت له يرقد وهو يقدر يفيق ** الدرب واضح والبعارين تنساق

واللي يبي يعاند يجيب المواثيق ** وانا بحـّـضـر لـه ثلاثين ميثاق

ابي اشبه واسمحولي بتعليق ** الكفو مثل سهيل واضح وبراق

والنذل مثل اللي ورى ارجالها تويق ** زي الغروب اللي فرق عنه الاشراق

الفرق واضح بين طهران وبقيق ** كلن لها ميزه وكلن لها آعراق

اللي مايرقى فوق عالي الشواهيق ** يصير مع بعض الرجاجيل ملحاق

يالله دخيلك عن جميع الملاحيق ** تجعل لهم من دوننا سد ورواق

ماهو قصورٍ في جميع المطاليق ** الكـفـو له مني تحية من أعماق

تمت وصلوا وسلموا يالمخاليق ** على النبي المصطفى حسن الاخلاق



مع تحيات اخوكم اكسير